Noticias da parroquia de O Carballiño

27 de setembro de 2004

Homenaxe a D. Evaristo.

O día 17 de setembro, foi un día moi entrañable na vila do Carballiño; a inauguración da estatua adicada a D. Evaristo, párroco durante trinta e un anos no Carballiño.

Antes da procesión de san Cibrao, tivo lugar este homenaxe. Autoridades civís,o Sr. Bispo de Ourense, familiares do homenaxeado, sacerdotes o moito público,reunímonos no entorno da Veracruz para descubrir esta estatua. Foi construída pola escultora Cuqui Piñeiro e costeada polo pobo carballiñés coa axuda do concello do Carballiño, e a Deputación provincial de Ourense.

Abriuse o acto coas palabras do párroco do Carballiño, D. José Benito Sieiro González, ensalzando a historia do templo e a figura de D. Evaristo. A continuación, o presidente da Deputación, o Conselleiro Miras Portugal e o alcalde do Carballiño, tiveron palabras de agradecemento ó que fora o noso párroco e ó pobo do Carballiño.

Por último, cerrou o acto o Sr. Bispo de Ourense, Monseñor D. Luis Quinteiro Fiuza, cuhna oración de acción de gracias e un responso polo homenaxeado.

Comezo das actividades parroquiais.

Durante este mes de outubro comezan as distintas actividades parroquiais: catequese, grupos bíblicos, adoración nocturna e diurna, Cáritas, Legión de María, grupo de liturxia, visita ós enfermos, etc.

Catequese:
A catequese terá lugar catro días á semana por un grupo formado por vintecinco catequistas que atenden ós nenos/as de Primeira Comunión e de Confirmación, e o domingo despois da misa da catequese para os demáis cursos. Necesitamos catequistas que nos axuden nesta tarefa importante na vida parroquial.

Adoración Diurna e Nocturna:
Como en anos anteriores, dará comezo a adoración diurna e nocturna nesta parroquia. A diurna ten lugar na igrexa do centro tódolos xoves de once a trece horas. A adoración nocturna na mesma igrexa o último venres de cada mes, dende as dez da noite ata as doce horas. Que esta oración sexa para manter viva a fe,vesperanza e caridade; ó mesmo tempo, comprometéndonos a ter presente a programación pastoral, dacordo á programación diocesana.

Cursiño de grupos bíblicos:
Será, D.M. o día 20 deste mes de outubro, no salón parroquial do Colexio das Franciscanas, ás oito da tarde. Este ano adicado ó libro do Apocalise. Especialistas no tema estarán presentes entre nós para iluminarnos no estudio, oración e reunións bíblicas. Existen 20 grupos bíblicos que mensualmente reúnense nas distintas casas, para facer asembleas de oración, lectura crente e apostolado familiar.