Virxe da Armada

15 de setembro de 2004

O xoves día 9, ás 12:00 h. o Sr. Bispo de Ourense presidiu a Solemne Celebración Eucarística na honra da nosa Nai, a Virxe da Armada.

Esta devoción á Nosa Señora exténdese por toda a comarca da Merca e de Celanova. A ela acuden tódolos fieis, especialmente, aqueles que teñen algún mal de cabeza: Virxe da Armada, avogosa da cabeza.

Ás 12:00 h. tivo lugar a Eucaristía concelebrada por un nutrido número de sacerdotes do entorno do Santuario e doutras partes da Diocese. Entre eles estaban o rector do Santuario, Rvdo. D. Manuel Rodríguez, que un ano máis mostraba a súa ledicia pola cantidade de xente que a Virxe congrega ó seu carón.

A Eucaristía tivo lugar na pequena cova onde está o altar preparado para esta festa, tan concurrida polos devotos.

A Virxe da Armada axuda ós fieis e estes acuden a ela a presentarlle-las súas rogativas e gratitudes nesta fermosa paraxe na que se enmarca o Santuario.

¡¡Virxe da Armada, avogosa da cabeza, coidanos que de ti precisamos!!