Virxe dos Remedios de Vilamaior

15 de setembro de 2004

O luns día 6, o Sr. Bispo da Diocese presidíu a Eucaristía no Santuario dos Remedios de Vilamaior, moi preto de Verín.

Ás 20:00 h. deu comezo o Santo Rosario dirixido devotamente por unha mociña da parroquia. A continuación celebrouse a Eucaristía concelebrada por D. Pedro, rector deste Santuario, e polo Rvdo. D. José Joaquín, predicador da novena.

O Santuario erixido na honra da Virxe dos Remedios atrae ano tras ano a moita xente non só da parroquia onde está ubicado, senón de toda a comarca de Verín. A xente acude en cantidade e con intensa devoción a rezarlle a Naiciña, a pedirlle e agradecerlle tantos dons coma unha nai dá ós seus filliños.

Este Santuario ten unha gran capacidade pero nestes días especiais quédase pequeño e hai xente que non se pode sentar.

¡¡Que a Nosa Señora dos Remedios protexa a tódolos devotos desta terriña que tanto cariño lle manifesta a nosa Naiciña!!