9 de maio de 2008

Bispado de Ourense

O xoves día 8 ás 20:00 h. tivo lugar na capela das Relixiosas Siervas de María, Ministras dos enfermos, a Celebración Eucarística na festividade de María a Virxe dos enfermos.

O Sr. Bispo foi oque presidiu a Eucaristía que estivo concelebrada por varios sacerdotes máis da nosa Diocese. A pequena capela estaba chea de fieis que ano tras ano acoden a vivir esta fermosa devoción á Virxe. As relixiosas desta casa son as que se dedican plenamente ó coidado dos enfermos, daqueles que necesitan que velen ó seu carón e coiden da súa saúde, especialmente durante as noites.

Este ano predicou a Novena o seu capelán, D. Manuel Emilio.

¡Que a Nosa Señora faga de nós homes e mulleres cheos de forza espiritual para ser testemuñas do amor de Deus no medio do mundo!