Que facemos aquí
Programación curso 2007/2008

Que facemos aquí

• Revista diocesana Comunidade
  Edición: 22.000 exemplares
  Tirada mensual
  Comunidade na Web do Bispado »

• El Espejo de la Diócesis
  Programa de radio na Cadena COPE
  Primer e tercer venres de cada mes
  COPE Ourense: 1143 AM e 88.9 FM - COPE Verín: 91.6 FM
  El Espejo de la Diócesis na Web do Bispado (arquivos de son dos últimos programas) »
  

Programación para o curso 2007-2008

OBJETIVO XENERAL
Que a comunicación na nosa Diocese contribúa a alcanzar a comuñón, a fomentar o sentimento de comunidade e a facer chegar o Evanxeo á sociedade actual, contando coas novas posibilidades que ofrece a tecnoloxía.

Accións:

Prensa:

• Continuar traballando para que a revista Comunidade, actualizada no seu deseño e contidos, constitúa un medio de comunicación que reflicta a actividade da Diocese, poña en relación as diferentes zonas e contribúa a facer chegar a Mensaxe do Evanxeo á sociedade de Ourense.
• Colaborar coa Delegación de Catequese para explicar na revista diocesana Comunidade os distintos ministerios de forma pedagóxica e atractiva.
• Continuar ofrecendo ás diferentes Delegacións a posibilidade de dispoñer da revista Comunidade para dar a coñecer as súas actividades e contribuír a alcanzar os seus obxectivos.

Radio:

• Manter semanalmente o Informativo Diocesano cada domingo en COPE
• Difundir a axenda da Diocese tódolos luns, e facilitar informacións diariamente á Cadea COPE para que se manteña a presencia dunha sección de información da Igrexa diocesana tódalas mañás.
• Ampliar a emisión do programa de radio "O Espello da Diocese de Ourense", dunha hora de duración, a dous venres ó mes, coa perspectiva de acomete-la súa emisión de forma semanal. Continuar sendo reflexo da vida diocesana e dando cabida neste espacio á difusión de actividades das diferentes Delegacións.
• Realizar un mínimo de tres programas en COPE-Galicia colaborando coas Delegacións de Medios das cinco
  Dioceses galegas.

Televisión:

• Facernos presentes nas emisoras de TV que o soliciten, e coordinar ás persoas da Igrexa que deben participar.

Outras actividades:

• Celebrar cos Medios a festa de San Francisco de Sales.
• Colaborar en continuar difundindo o Ano Xubilar de San Rosendo de cara á súa clausura no mes de novembro.
• Ser instrumento para recibir e ofrecer información da Diocese de Ourense, empregando os medios de comunicación para dar a coñecer a realidade social das diferentes zonas e arciprestados.
• Seguir coordinando e facendo chegar ós medios de comunicación as convocatorias e noticias que se xeren dende as diferentes Delegacións.
• Colaborar cos medios de prensa, radio e televisión, atendendo as solicitudes de datos e información que nos fan chegar, e informándoos de acontecementos diocesanos que poidan ser de interese mediático.
• Dar a coñecer os materiais e a mensaxe do Papa de cara á 42ª Xornada Mundial das Comunicacións Sociais.